اوعى تستخف

.==

موضوعى انهاردا عاوز اوصلكم فكرة صدقونى هى اد ايه مهمه

( اوعى تستخف بحد او بحاجه مها بانت قليله او بسيطه )

قبل ما ابدأ كلامى هحكيلكم قصه توضح الفكرة

كان فى مرة ولد صغير دخل كافيه و بيسأل الجرسونه

الايس كريم بالكاكاو بكام ؟؟

فقالتله ب 5 جنيه

الولد قعد يعد الفلوس اللى معاه و بعد كدا سألها تانى

طب الايس كريم العادى بكام ؟؟

الجرسونة فى المرة دى ابتدى صبرها يقل الكافيه زحمة و ناس كتير منتظرة طربيزة تفضى

المهم ردت بخنقه ب 4 جنيه

الولد طلب ايس كريم عادى و اكل و قام

و كانت المفاجأة للجرسونة و هى رايحه تاخد الحساب من على الطربيزة

لقت الولد سايب 4 جنيه تمن الايس كريم و جنيه تيبس

** الولد حرم نفسه من الايس كريم بالكاكاو علشان يدفع تيبس للجرسونه **

مع انها كانت بترد عليها بخنقه و قلت صبر

*******************************

الخلاصه من القصه ان فيه ناس ممكن تكون بتفكر فيك فى الوقت اللى انت مش بتفكر فيها

و ممكن يكونوا بيحرموا نفسهم من حاجات علشان خاطرك انت

ياريت مش تستهون بأى حاجه حد يقدمهالك انت مش تعرف هو عمل ايه علشان توصلك الحاجة دى

اوعى تستهون ببسمه حد رسمها على شفايفك فى يوم من الايام

مين عارف مش يمكن هو اخدها من على شفايفه هو و ادهالك ؟؟

صدقونى فيه ناس بتاخد و بس
و فيه ناس بتاخد على اد ما بتدى
و فيه ناس مش اخدت حاجه

اوعى تفتكر ان انت بس اللى بتتألم و ان انت بس اللى تعبان

امبارح لما ضحكت فيه حد دفع بدالك تمن ضحتك
و انهاردا و انت بتبكى فيه حد جاى بيجرى علشان يمسح دمعتك

لو بصيت حوليك كويس هتلاقى فيه ايد تالته معاك
هتلاقى قلب فوق قلبك عايش جواك
و مش اخد حاجه
قلب خايف عليك فى الوقت اللى محدش سأل فيك
و مش اخد حاجه
قلب يوم ما نمت انت سهر هو يفكر فيك
و مش اخد حاجه
قلب كل ذنبه ان كان مخلص وفى
فى عز حزنك فرحه بيختفى
و يوم ما تفرح بابتسامتك بيكتفى
و بردو مش اخد حاجه

بس كدا خلص الحوار :rolleyes: